باسم عەوادی وتەبێژی حكومەتی عێراق لە دیدارێكی تەلەفزیۆنیدا رایگەیاند، بە جێبەجێكردنی یاسای بودجە لەمەوبەدوا مانگانە بەغداد شایستەی دارایی هەرێمی كوردستان دەنێرێت.
راشیگەیاند، پێشتر لە نێوان حكومەتی عێراق و حكومەتی هەرێم رێككەوتن كراوە و هەرێم پابەند دەبێت بە رادەستكردنی نەوت و داهاتەكان و لەبەرامبەردا مانگانە مووچە و بودجە لە بەغدادەوە بۆ هەرێمی كوردستان رەوانەدەكرێت.
ئاشكراشیكرد، لە ئێستادا حكومەتی هەرێم رۆژانە بڕێك لە نەوتەكەی رادەستی حكومەتی عێراق دەكات، راگرتنی هەناردەی نەوتی هەرێمیش پەیوەستە بە توركیاوە و حكومەتی عێراق لە دانوستاندایە بۆ چارەسەركردنی ئەو گرفتە.
