ئەمڕۆ لە کۆبوونەوەی ئەنجومەنی پارێزگای سلێمانی ناوی ناحیەی تانجەرۆ بۆ ناحیەی عەربەت گۆڕدرا.
ئازاد محەمەد ئەمین سەرۆکی ئەنجومەنی پارێزگای سلێمانی لە کۆنفرانسێکی رۆژنامەوانیدا رایگەیاند، “ئەمڕۆ کۆبوونەوەی ئەنجومەنی پارێزگای سلێمانی لەبارەی چەند پرسێکەوە بەڕێوەچوو، لە بەشێکی کۆبوونەوەکدا فراوانکردنی سنووری گوندی کانی کانی پانکە و زڕگوێزی گەورە دەنگیان لەسەردرا.
ئاماژەی بەوەشکرد، “لە بەشێکی دیکەی کۆبوونەوەکەدا دەنگدان لەسەر گۆڕینی ناوی ناحیەی تانجەرۆ بۆ عەربەت دەنگی لەسەردرا، پێشتر لە بەشێک لە دامودەزگاکاندا ناوی بە تانجەرۆ هاتبوو لە بەشێکی دیکە بە عەربەت، بەشێک لە سنووری تانجەرۆ کەوتووەتە ناو ماستەرپلانی سلێمانییەوە”.
