بەڕێوەبەری گشتیی حەج و عومرەی هەرێمی كوردستان رایدەگەیەنێت، “لە مانگی رەمەزانی ئەمساڵدا نرخی رێوڕەسمی تایبەت بە عومرە بەرزدەبێتەوە و هۆكارەكەشی ئاشكرادەكات”.
نیاز راغب نەقشبەندی بەڕێوەبەری گشتیی حەج و عومرە لە هەرێمی كوردستان لە لێدوانێكدا بە تۆڕی میدیایی ئێستای راگەیاند، “لە ئێستادا بۆ بەجێگەیاندنی رێوڕەسمی عومرە لەلایەن كۆمپانیاكانەوە بڕی 850 تا هەزار دۆلار وەردەگیرێت و جیاوازیی نرخەكانیش پەیوەندی بە شوێنی مانەوە و پێشكەشكردنی جۆری خزمەتگوزارییەكانەوە هەیە”.
راشیگەیاند، “رێورەسمی عومرە تا یەك مانگ دوای رەمەزان ئەنجامدەدرێت و بەهۆی زۆربوونی خواست لەسەری، چاوەڕواندەكرێت لە مانگی رەمەزاندا نرخی گەشتكردن تایبەت بە رێوڕەسمی عومرە بەرزبوونەوە بەخۆوە ببینێت”.
