وەزارەتی پەروەردە بڕیاریدا ئەو مامۆستایانەی تووشبووی شێرپەنجەن و لە دەرەوەی شار وانە دەڵێنەوە، بهێنرێنە ناو سەنتەری شارەکان و بەشە وانەکانیان کەمبکرێنەوە.
بەپێی نووسراوێکی وەزارەتی پەروەردە کە وێنەیەکی دەست تۆڕی میدیایی ئێستا کەوتووە، ئەو مامۆستایانەی تووشبووی شێرپەنجەن و لە قۆناغی چارەسەریدان بەو مەرجەی راپۆرتی پشتڕاستکراوەکان لە یەکێک لە نەخۆشخانەکانی هیوا، نانەکەلی و ئازادی هەبێت دەتوانن بگوێزرێنەوە بۆ خوێندنگەکانی ناو سەنتەری شارەکان.
هەر بەپێی نووسراوەکە، دەبێت لەکۆی ئەو بەشە وانانەی بەپێی یاسا بۆ مامۆستایان دانراوە، شەش بەشە وانەیان بۆ کەمبکرێتەوە.
