ڕاگری کۆلێژی بەرگریی نیشتمانیی عێراق بەڵێن بە وەزارەتی پێشمەرگەی هەرێم دەدات کە پشکی کورد لەو کۆلێژە سەربازییە زیادتر بکات.
ئەمڕۆ 4 ی نیسان کۆبوونەوەیەک لە نێوان شۆڕش ئیسماعیل، وەزیری پێشمەرگەی هەرێم و لیوا ڕوکن ئەحمەد عیمران عەبد، ڕاگری کۆلێژی بەرگریی نیشتمانیی عێراق بەڕێوەچوو، لە کۆبوونەوەکەدا جەختکراوەتەوە لەسەر پتەوکردنی زیاتری پەیوەندییەکانی وەزارەتی پێشمەرگە لەگەڵ وەزارەتی بەرگری عێراقی و ناوەندە ئەکادیمی و زانستیەکانی سەر بەو وەزارەتە.
شۆرش ئیسماعیل، وەزیری پێشمەرگەی هەرێم لەسەر کۆبوونەوەکە دەڵێت، ” لەمیانی پێشوازی و کۆبونەوەمان لەگەڵ راگری کۆلێژی بەرگری نیشتمانیی عێراقی و شاندێکی باڵای یاوەری، کە پێکهاتبوون لە ئەفسەرانی باڵاو مامۆستایان و فێرخوازانی ئەو کولێژە، جەختمانکردەوە لەسەر پتەوکردنی زیاتری پەیوەندییەکانمان لەگەڵ وەزارەتی بەرگری عێراق”.
