ئەندامێكی ئەنجومەنی نوێنەرانی عێراق رایدەگەیەنێت، لە رووی یاساییەوە مووچەی فەرمانبەرانی هەرێمی كوردستان كێشەی نییە، بەڵام لە رووی كارگێڕی و هونەرییەوە گرفتی بۆ دروستكراوە و دەشڵێت ، “ناردنی مووچە لە ساڵی داهاتوو پەیوەستە بە پەیوەندیەكانی نێوان حكومەتی هەرێم و حكومەتی عێراقەوە”.
دارا سێكانیانی ئەندامی ئەنجومەنی نوێنەرانی عێراق كە قسەی بۆ دەنگی ئەمریكا كردووە رایگەیاند، دەتوانین بڵێن لە رووی یاساییەوە مووچەی فەرمانبەرانی هەرێمی كوردستان كێشەی نییە، بەڵام لە رووی كارگێڕی و هونەرییەوە گرفتی بۆ دروستكراوە، ناشتوانین هیچ بڵێین لەسەر داهاتووی مووچەی هەرێم، چونكە دوای ئەم سێ مانگەی كۆتایی ساڵ چارەنووسی مووچە دەكەوێتە سەر پەیوەندیەكانی نێوان هەردوو حكومەتی هەرێم و حكومەتی عێراق.
ئەو پەرلەمانتارە وتیشی،”هۆكاری سەرەكیی دواكەوتن و نەناردنی مووچەی فەرمانبەرانی هەرێم، پابەندنەبوونی حكومەتی هەرێم و حكومەتی عێراقە بە بڕیاری دادگای فیدراڵییەوە”.
