كەشناسیی هەرێم: پلەكانی گەرما جێگیر دەبن

بەپێی پێشبینییەكانی كەشناسیی هەرێم پلەكانی گەرمای ئەمڕۆ و سبەینێ جێگیر دەبن.

بەڕێوەبەرایەتیی گشتیی كەشناسی و بومەلەرزەزانیی هەرێم رایگەیاند، ئەمڕۆ ئاسمان ساماڵ و پەڵە هەور دەبێت، لە هەندێک ناوچە دەگۆڕێت بۆ نیمچە هەور.

سەبارەت بە پلەكانی گەرماش دەڵێت، نزیک دەبێتەوە لە تۆمارکراوەکانى دوێنێ.

سبەینێش ئاسمان لە نێوان پەڵە هەور و نیمچە هەور دەبێت و، پلەكانی گەرماش نزیك دەبێتەوە لە تۆماركراوەكانی ئەمڕۆ، وەك ئەوەی كەشناسی ئاماژەی پێداوە.

بەرزترین پلەکانی گەرمای پێشبینیکراوی شار و ناوچەكانیش بەمجۆرە دەبێت، (هەولێر 43 پلەی سیلیزی، سلێمانی 41، دهۆك 43، كەركوك 46، هەڵەبجە 44، زاخۆ 44، حاجی ئۆمەران 29، سۆران 41 و گەرمیان 48 پلەی سیلیزی).