عەلی عەلاق، پارێزگاری بانکی ناوەندی عێراق، رایگەیاند، هۆکاری قەیرانی دۆلار لەو وڵاتە بۆ گوشارەکانی ئەمریکا و سزاکانی سەر هەندێک وڵات دەگەڕێتەوە.
عەلی عەلاق لە چاوپێکەتنێکی تەلەڤیزیۆنیدا رایگەیاند، “گەمارۆکانی ئەمریکا بۆ سەر هەندێک وڵات، سنووردارکردنیان بەسەر بانکی ناوەندیی عێراقدا سەپاند و بوون بە رێگر لە فرۆشتنی دۆلار بە شێوەیەکی ناڕاستەوخۆ”.
ئاماژەی بەوەشکردووە، “بانکی ناوەندی بەردەوامە لە دانانی سنوور بۆ رێگریکردن لە دەستکاریکردنی نرخی دۆلار لە بازاڕدا و هەوڵدەدات رێکارەکانی ئاڵوگۆڕی دراو ئاسان بکات”.
وتیشی، بانکی ناوەندی هەوڵدەدات رێکارەکانی کڕینی دراوی بۆ بازرگانان ئاسان بکات، ئاماژەی بەوەشکرد کە “30%ی دراوی بیانی بۆ هاوردەکردن لە چینەوە دەڕوات”.
