بانكی ناوەندی ئەمڕۆ زیاتر لە 200 ملیۆن دۆلاری خستە بازاڕەوە، لەگەڵ ئەوەشدا نرخی دۆلار بە بەرزی ماوەتەوە.
بانكی ناوەندیی عێراق رایگەیاند، ئەمڕۆ بڕی 184 ملیۆن و 974 هەزار و 288 دۆلاری بەشێوەی حەواڵە و 22 ملیۆن و 710 هەزاری بەشێوەی نەختینە خستووەتە بازاڕەوە.
بەمەش كۆی ئەو پارەیەی بانكەكە خستوویەتیە بازاڕەوە پێكدێت لە 207 ملیۆن و 684 هەزار و 288 دۆلار.
لەگەڵ ئەوەشدا نرخی دۆلار لە بازاڕەكانی هەرێمدا بە بەرزی ماوەتەوە و ئەمڕۆ لە كردنەوەی بازاڕدا 100 دۆلار بە 152 هەزار و 950 دینار مامەڵەی پێوەكرا.
