توێژینەوەیەکی زانستی سەلماندوویەتی، حاڵەتەکانی کەمخوێنی بە شێوەیەکی چاوەڕواننەکراو روویان لە بەرزبوونەوە کردووە بە تایبەت لەناو ژنان و منداڵاندا.
توێژینەوەکە بۆ ماوەی سێ دەیەی خایاندووە و لە گۆڤاری لانسێتی زانستی بڵاوکراوەتەوە و تێیدا هاتووە، “چارەکێکی دانیشتووانی سەر زەوی تووشی کەمخوێنی بوونەتەوە، کە زۆرینەیان ژنان و دایکان و کچانی هەرزەکار و منداكانی خوار تەمەن پێنج ساڵانن.
توێژەران دەڵێن، “%31ی ژنان بە تایبەت لەو ساڵانەی منداڵیان دەبێت تووشی کەمخوێنی دەبن، بەڵام رێژەکە لە پیاواندا %17.5 ە، لە وڵاتە تازەپێگەیشتووەکانیشدا %40ی منداڵان تووشی کەمخوێنی دەبنەوە.
ترسی شارەزایانی بواری تەندروستیی لە بەرزبوونەوەی حاڵەتەکانی کەمخوێنی کاریگەری دروستکردنە لەسەر گەشەی مێشک و زانین لە منداڵاندا و دروستکردنی کێشەی جەستەیی لە کەسانی پێگەیشتوودا.
