بافڵ جەلال تاڵەبانی سەرۆکی یەکێتیی نیشتمانیی کوردستان لە بەغداد پێشوازی لە سابت عەباسی وەزیری بەرگریی عیراق، کرد.
لەدیدارەکەدا کە رەفعەت عەبدوڵا، بڕیاردەری دەستەی کارگێڕی و سەعدی ئەحمەد پیرە، ئەندامی مەکتەبی سیاسی ئامادەبوون، دۆخی ئەمنیی وڵات و هەماهەنگیی نێوان هێزە سەربازییەکانی هەرێم و عیراق گفتوگۆی لەبارەوەکرا.
هەروەها جەخت لە فراوانکردنی هاریکارییەکان کرایەوە لەپێناو پاراستنی سەقامگیری و ئاسایش لە وڵاتدا.
بافڵ جەلال تاڵەبانی ئاماژەی بە گرنگیی هاوکاری و هەماهەنگییە سەربازی و هەواڵگرییەکان کرد وەک فاکتەرێکی گرنگی پاراستنی ئاسایش لە ناوچەکە و رایگەیاند، “پارێزگاریکردن لە ئارامیی ناوچەکە و رووبەڕووبوونەوەی تیرۆر ئەرکی هەموومانە، بۆ ئەمەش پتەوکردنی پەیوەندییەکان و فراوانکردنی هەماهەنگیی نێوان هێزەکانمان پێویستییەکی گرنگی قۆناغەکەیە”.
