بافڵ جەلال تاڵەبانی سەرۆكی یەكێتیی نیشتمانیی كوردستان، لە ساڵڕۆژی شەهیدبوونی مامەریشە و هاوڕێكانی (شەهید سەردار و شەهید موحسین) پەیامێكی بڵاوكردەوە و دەڵێت، “شەهید مامەریشە مێژوویەك بوو لە ئازایەتی و چۆكدانەدان و ورەی شۆڕشی نوێی كورد و كوڕانی یەكێتی”.
لە پەیامەكەیدا هاتووە، لە چلەمین ساڵڕۆژی شەهیدبوونی مامەریشە و هاوڕێكانی (شەهید سەردار و شەهید موحسین) سەری رێز و خۆشەویستی بێپایانمان لەبەردەم رۆحی نەمریان دادەنەوێنین.
سەرۆكی یەكێتی دەشڵێت، “شەهید مامەریشە، ئەفسانەی ژیانی پێشمەرگەیەتی خەباتی رزگاریخوازی گەلی كوردە كە مێژوویەك بوو لە ئازایەتی و چۆكدانەدان و ورەی شۆڕشی نوێی كورد و كوڕانی یەكێتی”.
لە كۆتایی پەیامەكەیدا هاتووە، “بەدڵنیاییەوە بۆ هەمیشە قوربانیدان و خوێنی رۆڵەكانمان بەرزترین بەهای هەیە و بە شوێنپێیاندا هەنگاودەنێین لەپێناو سەرفرازیی گەل و نیشتمانەكەمان، درود و سڵاو لە گیانی پاك و نەمری شەهید مامەریشە، هاوڕێكانی و سەرجەم شەهیدانی گەلەكەمان”.
