سیان لە یاریزانە گەورە و گرانبەهاکانی مانچستەر سیتی نزیکبوونەتەوە لە جێهێشتنی یانەکە و گواردیۆلا ڕکاردانەوەی نییە.
پۆرتاڵی “دۆن باڵۆن”ی ئیسپانی نووسیویەتی، گواردیۆلا گورزێکی سیانەیی بەهێزی بەرکەوتووە، بەوپێیەی کایل واڵکەر لەگەڵ بایرن میونشن ڕێککەوتنی کردووە و ڕیاز مەحریز درێسی یانەی ئەهلی سعوودی پۆشیوە، لە هەمان کاتدا بێرناردۆ سیلڤا لەگەڵ چەند یانەیەک لەسەرهێڵە و بەردەوامبوونی لە سیتی مسۆگەر نییە.
ئەوەی بووەتە مایەی تێڕامان و پرسیاری میدیاکاران، بێدەنگی گواردیۆلا و هەوڵ نەدانیەتی بۆ کڕینی جێگرەوەی یاریزانە فرۆشراوەکان.
تاوەکو ئێستا سیتی گواردیۆلا تەنها ماتیۆ کۆڤاسیچ-یان کڕیوە و جگە لە گڤاردیۆل بۆ هێڵی بەرگری، هیچ یاریزانێکی گەورە بۆ هێڵی ناوەند و هێرشبردن بە یانە شێنەکەوە نەبەستراوەتەوە.
