بەیانی ئەمڕۆ تەرمی یەکێک لەو کچانەی چەند رۆژێک لەمەوبەر لەگەڵ باپیریان لە زێی بچووکدا خنکابوون دۆزرایەوە.
بەڕێوەبەرایەتیی بەرگریی شارستانیی کۆیە بڵاویکردەوە، “بەیانی ئەمڕۆ تەرمی یەکێک لەو کچە خنکاوانەی ناحیەی سێگردکان دۆزرایەوە کە لەگەڵ باپیر و خوشکێکی دوو ڕۆژ پێش ئێستا خنکان”.
ئەو تەرمەی دۆزراوەتەوە ناوی شایستە مامەدین عومەرە و تەمەنی 16 ساڵانە.
لەدوای خنکانی ئەو دوو کچە و باپیریان دوای چەند کاتژمێرێک توانرا تەرمی باپیریان دەربهێنرێتەوە، لە ئێستاشدا تەرمی یەکێک لە کچەکان لە ئاوەکەدا ماوەتەوە و نەتوانراوە دەربهێنرێتەوە.
ئەو خێزانە دانیشتووی ناحیەی قوشتەپەی سنووری پارێزگای هەولێر بوون
