بەڕێوەبەرایەتیی گشتیی كەشناسی و بومەلەرزەزانیی هەرێم رایدەگەیەنێت، ئەمڕۆ پلەكانی گەرما بەرزبوونەوەی زیاتر بەخۆوە دەبینن و لە سبەینێوە پلەكانی گەرما نزیكەی 1-4 پلەی سیلیزی نزمدەبنەوە.
بەپێی راگەیەندراوێكی بەڕێوەبەرایەتیی گشتیی كەشناسی و بومەلەرزەزانیی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمڕۆ هەینی ئاسمان ساماڵ دەبێت لەگەڵ بوونی تۆزێكی سووك، خێرایی با لەنێوان 15-25 كیلۆمەتر لەكاتژمێرێكدا دەبێت و پلەكانی گەرماش بە بەراورد بە دوێنێ بەرزبوونەوەی زیاتر بەخۆوە دەبینێت.
هەر لە راگەیەندراوەكەدا هاتووە، سبەی شەممە، ئاسمان ساماڵ دەبێت لەگەڵ بوونی تۆزێكی سووك پلەكانی گەرماش نزمتردەبنەوە بە نزیكەی 1-4 پلەی سیلیزی بە بەراورد بە تۆماركراوەكانی ئەمڕۆ.
بەرزترین پلەكانی گەرمای پێشبینیكراو بە پلەی سیلیزی :-
هەولێر : 40 پلەی سیلیزی
سلێمانی : 39 پلەی سیلیزی
دهۆك : 39 پلەی سیلیزی
كەركوك : 42 پلەی سیلیزی
هەڵەبجە : 40 پلەی سیلیزی
حاجی ئۆمەران : 26 پلەی سیلیزی
زاخۆ : 40 پلەی سیلیزی
سۆران : 38 پلەی سیلیزی
گەرمیان : 45 پلەی سیلیزی
