ئەمڕۆ بە هۆکاری شۆڕتی کارەبا رووداوێکی ئاگرکەوتنەوە لە پووش و پاوانی ناحیەی دیانا کەوتەوە.
بەڕێوەبەرایەتیی بەرگریی شارستانیی سۆران بڵاویکردەوە، “ئەمڕۆ ئاگادارکراینەوە بە بوونی رووداوێکی ئاگرکەوتنەوە لە گەڕەکی ئازادی سەر بە ناحیەی دیانا، هەر بۆیە تیمی ئاگرکوژێنەوەی بنکەی بەرگریی شارستانیی دیانا گەیشتە شوێنی رووداوەکە توانیان ئاگرەکە بکوژێننەوە و رێگری لە زیادبوونی بکەن و زیانەکان کەمبکەنەوە”.
ئاماژەی بەوەشکرد، “بەپێی راپۆرتی تیمی ناوبراو، هۆکاری ئەم ئاگرکەوتنەوەیە شۆڕتی کارەبا بووە و هیچ زیانی گیانی و ماددی بەدواوە نەبووە”.
