وەزارەتی ئەوقافی هەرێم بە توندی سەركۆنەی بێرێزیكردن و سووتاندنی (قورئانی پیرۆز) دەكات، كە لە وڵاتی سوید لەلایەن هاوڵاتییەكەوە ئەنجامدراوە و جەختیشدەكاتەوە ئەم رەفتارە دوورە لە بەھای مرۆڤایەتییەوە.
بەپێی راگەیەندراوێكی وەزارەتی ئەوقاف و كاروباری ئایینیی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، وەزارەتی ئەوقاف بە توندی ئیدانەی بێرێزیكردن و سووتاندنی (قورئانی پیرۆز) دەكات كەلە وڵاتی سوید لەلایەن هاوڵاتییەك ئەنجامدراوە، ئەم رەفتارە دوورە لە بەھای مرۆڤایەتی و دژی بنەماكانی دیموكراسی و پێكەوەیی و ئایندارییە.
هەر لە راگەیەندراوەكەدا هاتووە، پێویستە دەزگا پەیوەندیدارەكان لەو وڵاتە، رێگری یاسایی لەم شێوە رووداوانە بكەن و بكەری سەرەكیش رووبەڕووی دادگا بكەنەوە.
