وەزارەتی دارایی و ئابوری هەرێم رایدەگەیەنێت، رۆژی شەممە دابەشكردنی مووچە بەردەوامدەبێت تا پێش جەژن مووچەی سەرجەم مووچەخۆران دەدرێت.
كەمێك پێش ئێستا هونەر جەمال وتەبێژی وەزارەتی دارایی هەرێم بە تۆڕی میدیایی ئێستای راگەیاند، بەغداد رەزامەندی لەسەر ناردنی 400 ملیار دینار دەربڕیوە و رۆژی یەكشەممە پارەكە دەخرێتە سەر هەژماری بانكی وەزارەتی دارایی هەرێم.
بەپێی راگەیەندراوێكی وەزارەتی دارایی هەرێم كە وێنەیەكی دەست تۆڕی میدیایی ئێستا كەوتووە، رۆژی شەممە، 24ی حوزەیران دابەشكردنی مووچە بەردەوامدەبێت و تا پێش جەژن مووچەی سەرجەم فەرمانبەران و مووچەخۆران دابەشدەكرێت.
