بە گوێرەی زانیارییەکانی پەیامنێری تۆڕی میدیایی ئێستا، ئەمڕۆ هەینی لە بەشێك لە مزگەوتەكانی هەولێر بەهۆی نەبوونی كارەبا و بەرزی پلەی گەرمییەوە وتاری هەینی کەمتر لە پێنج خولەكی خایاند و كۆتاێهات.
لەوبارەیەوە نوێژخوێنێكی مزگەوتی شێخ ئسیماعیل عەبدەلانی لە بێركۆتێ نوێ بەتۆڕی میدیایی ئێستای راگەیاند، ئەمڕۆ لەمزگەوتەكەی ئێمە كارەبا نەبوو مامۆستای مزگەوتەكەش وتی بەهۆی خیانەتەوە نەتوانراوە كارەبا دابین بكرێت و بەهۆی گەرماوە وتارەكە نادەین .
مامۆستای مزگەوتەکە ئاماژەی بەوەشکرد، چاوەڕوان كرا كارەبا بێتەوە بەڵام كارەبای مزگەوت نەدرایەوە و گەرمایەكی بەتین بوو كە نوێژخوێنان بە ئەستەم نوێژەكانیان ئەنجامدا.
جێگەی ئاماژەیە، ئەمە یەكەمجار نییە مزگەوتەكانی هەولێر لەكاتی نوێژی هەینی كارەبای لەسەر دەبڕدرێت و كێشەیان بۆ دروست دەكریت تاكو ئێستا چارەسەری كێشەكە نەكراوە.
