لە کەوتنە خوارەوەی فڕۆکەیەکی کۆڵۆمبی کە زیاتر نزیکەی دوو مانگ لەمەوبەر روویدا، چوار منداڵ بە زیندوویی دەربازیان بوو و بۆ ماوەی 40 رۆژ بەتەنها لە دارستانێکدا مانەوە و سەرۆکی وڵاتەکەش هۆکاری زیندوو مانەوەیان ئاشکرادەکات.
“سەرۆکی کۆڵۆمبیا رایگەیاند، “ئەو چوار منداڵە ماوەی 40 رۆژ لە دارستانەکانی ئەمازۆن ماونەتەوە و ئەوەی یارمەتیدەریشیان بووە “یاری مانەوە”بووە کە گەورەترین منداڵیان ئەنجامی داوە.
ئەو منداڵانەی لە رووداوەکەدا رزگاریان بووە پێکهاتوون لە لیزلی جاکۆبۆمبایری تەمەن 13 ساڵان، سۆلینی جاکۆبۆمبایری تەمەن 9 ساڵان، رانوک مۆتۆکۆی تەمەن چوار ساڵان و رانوکی تەمەن 11 مانگان، سەرجەمیان خوشک و برا بوون، لە دوای رزگاربوونیان لە کەوتنە خوارەوەی فڕۆکەکە بۆ ماوەی 40 رۆژ لە دارستانەکانی کۆڵۆمبیا مابوونەوە دواتر لەلایەن تیمێکی گەڕان و پشکنینەوە کە لە 200 کەس پێکهاتبوون دۆزرانەوە و گواسترانەوە بۆ نەخۆشخانەیەکی بۆگۆتای پایتەخت.
بە وتەی پزیشکانی نەخۆشخانەکە منداڵەکان تووشی وشکبوونەوە ببوون بەهۆی نەبوونی خواردن و خواردنەوەی پێویستەوە، جگە لەوەش ئاسەواری پێوەدانی مێرووی دارستانەکە بە جەستەیانەوە دیارە، هەرچەندە تا ئێستاش ناتوانن خۆراک بخۆن تەندروستیان جێگیرە و قۆناغی مەترسیان تێپەڕاندووە.
تەکنیکی رزگاربوونی منداڵەکان لەلایەن خوشکە گەورەکەیانەوە جێبەجێکراوە کە “یاری مانەوە”ی پێدەوترێت ئەویش بە لاستیکی قژبەستن چێوەیەکی بە دەوری خوشک و براکانیدا دروستکردووە تا ببێتە هۆی پاراستنیان، ئەم تەکنیکەشی لە خولی چادرگەی خوێندنگەکەی فێربووە لە رابردوودا.
جگە لەوەش ئەو میوانەی ناسیوەتەوە کە ژەهراوین و رێگەی نەداوە خوشک و براکانی بیخۆن، بەم شێوەیەش لە ژەهراویبوون پاراستوونی.
میدیاکانی کۆڵۆمبیا چیرۆکی رزگاربوونی ئەو منداڵانەیان بە دووبارە نەبووەوە و خەیاڵی ناوبردووە.
