یانەی ڕیاڵ مەدرید لە ڕاگەیاندراوێکی فەرمیدا ڕۆیشتنی مارکۆ ئاسێنسیۆی ڕاگەیاند، دوای تەواوبوونی گرێبەستەکەی لەم مانگەدا.
لە راگەیاندراوەکەی ڕیاڵ مەدریددا هاتووە، “ڕیال مەدرید سوپاس و سۆز و خۆشەویستی خۆی بۆ مارکۆ ئاسینسیۆ دەردەبڕێت، ئەو یاریزانەی بۆ ماوەی حەوت وەرز بەرگری لە درێسەکەمان کرد”.
Comunicado Oficial: Marco Asensio.#RealMadrid
— Real Madrid C.F. (@realmadrid) June 3, 2023
هەروەها نووسراوە، “مارکۆ 17 ناسناوی لە ڕیاڵ مەدرید بەدەستهێنا، کە بریتین لە 3 جامی ئەوروپا، 4 جامی جیهانی یانەکان، 3 جامی سوپەری ئەوروپا، 3 خولی ئیسپانیا، 1 جامی شا و 3 جامی سوپەری ئیسپانیا، ئێمەی مەدریدێستا ڕەفتارە نموونەییەکانی لەبیرناکەین، ڕیاڵ مەدرید ماڵی ئەوە و هەمیشەش بەو جۆرە دەبێت، هیوای سەرکەوتن بۆ خۆی و خێزانەکەی دەخوازین”.
ئاسینسیۆ لە 2016وە توانیویەتی 285 یاری بۆ ڕیاڵ مەدرید بکات، لەو ماوەیەدا 61 گۆڵ و 32 ئەسیستی کردووە، سەرچاوەکان ئاماژە بەوە دەکەن، کە لەم نزیکانەدا درێسی یانەی پاریس سان جێرمان دەپۆشێت.
