ئه‌مشه‌و چوارشه‌ممه، یاریی کۆتایی خولی ئه‌وروپی “یوروپا لیگ” ئه‌نجامدرا، یانەی ئیشبیلیە بە بردنەوەی لە ڕۆما بۆ حەوتەمجار لە مێژوویدا ناسناوەکەی بەدەستهێنا.
له ڕووبه‌ڕووبوونه‌وەی کۆتاییدا، یانه‌ی ڕۆمای ئیتاڵی له یاریگای “پوشکاش ئارینا” بەرامبەر ئیشبیلیەی ئیسپانی کرد، یارییه‌که لە کاتی یاساییدا (90 خولەک) بە ئەنجامی یەکسانبوون (1-1) کۆتاییهات.
گۆڵەکەی “جێلاڕۆسی” له خوله‌کی 35 له‌لایه‌ن پاولۆ دیبالا-وە تۆمارکرا، گۆڵی یەکسانکەرەوەی ئەنجامەکەش له خوله‌کی 55 بە هەڵە له‌لایه‌ن جیانلوکا مانچینی بەرگریکاری ڕۆماوە تۆمارکرا.
بە ناچارییەوە پەنا بۆ کاتە زیادکراوەکان برا، لە چارەکی یەکەمدا ئەنجامی یەکسانبوون باڵی بەسەر یارییەکەدا کێشا، لە تایمی دووەمی زیادکراویشدا هەمان سیناریۆ درێژەی کێشا و یارییەکە بە یەکسانبوون کۆتاییهات.
لە کۆتاییدا و بە لێدانی سزا، یانەی ئیشبیلیە بە ئەنجامی (4-1) بردنەوەی بەدەستهێنا.
بەو سەرکەوتنە، ئیشبیلیە حەوتەم جامی یوروپا لیگی خستە نێو هەگبەی دەستکەوتە ئەوروپییەکانییەوە.
It's seventh heaven for Sevilla.
They maintain their 100% record in the Europa League final. #ASRoma | #SevillaFC | #UEL | #UELfinal
🎥 @btsportfootball pic.twitter.com/IeCrUuDk4r
— The Athletic | Football (@TheAthleticFC) May 31, 2023
