دەزگای ئاسایشی هەرێمی کوردستان، دەستگیرکردنی سێ تۆمەتباری راگەیاند کە شەش کەسیان کوشتووە و داواکراوبوون.
بەپێی راگەیەندراوێکی دەزگای ئاسایشی هەرێم، لەلایەن بەڕێوەبەرایەتیی ئاسایشی رۆژئاوای سلێمانییەوە لە بازگەی بانی مەقان، سێ داواکراو دەستگیرکران کە تۆمەتبارن بە کوشتنی شەش کەس.
ئەو تۆمەتبارانە بە رەگەز عەرەبن و لەلایەن دادگای عێراقەوە بەپێی ماددەی 406ی یاسای سزادانی عێراقی داواکرابوون.
تۆمەتبارەکان بەهۆی کێشەی کۆمەڵایەتییەوە شەش کەسیان کوشتووە و بەنیازبوون بە ناسنامەی ساختەوە بێنە هەرێمی کوردستان.
ناسنامەی تۆمەتبارەکان لەلایەن دەزگای ئاسایشی هەرێمی کوردستانەوە بەمشێوەیە ئاشکرا کراوە:
( م ، ع ، ح ) لەدایکبووی 1962 دانیشتووی ناسریە
( م ، ح ، م ) لەدایکبووی 1994 دانیشتووی بەسرە
( أ ، و ، ک ) لەدایکبووی 2000 دانیشتووی ناسریە
لە ئێستادا تۆمەتبارەکان راگیراون و دواتر رادەستی دادگای تایبەتمەند دەکرێن .
