تیمی بۆستن سێڵتیکس لە دەرەوەی یاریگای خۆیدا لە مەیامی هیتی بردەوە و ناچاریکردن یاریی حەوتەم و یەکلاکەرەوە ئەنجامبدەن.
بەرەبەیانی ئەمڕۆ یەکشەممە، تیمی بۆستن سێڵتیکس لە یاریی شەشەمی قۆناغی نیوەی کۆتایی خولی یانە پیشەگەرەکانی ئەمریکا، بە ئەنجامی (103-104) لە مەیامی هیتی بردەوە.
بەو بردنەوەیە، دێریک وایت و هاوکارانی ئەنجامی ڕووبەڕووبوونەوەکانیان (3-3) لەگەڵ مەیامی هیت یەکسانکردەوە، بەو جۆرەش دوو تیمەکە ناچاردەبن یاریی حەوتەم و یەکلاکەرەوە ئەنجامبدەن.
تاوەکو ئێستا (150) حاڵەتی هاوشێوە بەدرێژایی مێژووی (NBA) ڕوویداوە، هیچ یانەیەک نەیتوانیوە ئەنجامی (3-0) یەکسانبکاتەوە، بۆیە ئەوەی لەگەڵ سێڵتیکس ڕوودەدات لەلایەن میدیاکانی ئەمریکاوە بە هەژەند و مێژوو ناودەبرێت.
