بەڕێوەبەری چاودێری و بازرگانیی سلێمانی رایدەگەیەنێت، نرخی مریشك لە بازاڕدا دابەزینی زیاتری بەخۆوە بینی و یەك كیلۆ مریشك بە دوو هەزار بۆ دوو هەزار و 150 دینارە.
سۆران عەبدولغەفور بەڕێوەبەری چاودێری و بازرگانیی سلێمانی لە لێدوانێكدا بە تۆڕی میدیایی ئێستای راگەیاند، هەفتەی رابردوو یەك كیلۆ مریشك لە بازاڕدا بە دوو هەزار و 500 دیناربووە، بەڵام ماوەی چەند رۆژێكە نرخەكەی دابەزینی بەخۆوە بینیوە و یەك كیلۆ مریشك لە بازاڕدا بە دوو هەزار بۆ دوو هەزار و 150 دینارە.
راشیگەیاند، هۆكاری دابەزینی نرخەكەی پەیوەندیی بە خستنەڕووەوە هەیە و بەرهەمی كێڵگە پەلەوەرییەكان زۆرن و فرۆش كەمە و ناردنە دەرەوەشی قەدەغەنەكراوە بە ئامانجی ئەوەی خاوەنی كێڵگە پەلەوەرییەكان زەرەرمەند نەبن.
