ئەمڕۆ نرخی نەوت لە بازاڕەکانی جیهان بەرزبوونەوەیەکی کەمی بەخۆیەوە بینی و زێڕیش بەردەوامە لەو دابەزینەی ماوەی هەفتەیەکە دەستیپێکردووە.
ئەمڕۆ دووشەممە نرخی نەوتی خاوی برێنت بە رێژەی %0.2 بەرزبووەوە و یەک بەرمیلی بە 75.72 دۆلار فرۆشرا، نرخی نەوت خاوی تەکساسیش بە هەمان رێژە بەرزبووەوە و یەک بەرمیلی بە 71.84 دۆلار فرۆشرا.
بەرزبوونەوەی نرخی نەوت پەیوەندی بە دابەزینی بەهای دۆلار و دابەزینی رێژەی بەرهەمی نەوتی کەنەدا و بڕیاری ئۆپیک پڵەسەوە هەیە بۆ دابەزاندنی رێژەی بەرهەمهێنانی دەوڵەتە ئەندامەکانی.
لە لایەکی دیکەوە نرخی زێڕ لە بازاڕەکانی جیهاندا بەردەوامە لە دابەزین و ئەمڕۆش نرخی یەک ئۆنسە گەیشتە هەزار و 975 دۆلار، ئەمەش لەدوای ئەو بڕیارەی بانکی مەرکەزی ئەمریکا بە جێگیرکردنی نرخی سوودەکانیی.
