بەهۆی دواكەوتنی مووچەكانیان ژینگەپارێزانی قەزای خەبات بایكۆتی كاریان راگەیاند و گردبوونەوەیان ئەنجامدا.
ئەمڕۆ ژمارەیەك لە ژینگەپارێزان لە قەزای خەبات گردبوونەوەی ناڕەزاییان ئەنجامدا، بەشداربوویەكی گردبوونەوەكە بە تۆڕی میدیایی ئێستای راگەیاند، مووچەی دوو مانگ و 21 رۆژیان لای كۆمپانیایە و نایانداتێ.
وتیشی، بە سێ جار مووچەی مانگێكمان دەدەنێ، هەر جارێك 100 هەزار دینار دەدەن.
بەشداربوویەكی دیكە رایگەیاند، بژێویی ژیانیان خراپە و ناشزانن بەڕێوەبەری كۆمپانیاكەیان كێیە تا رووی لێبكەن.
ژینگەپارێزان مووچەی مانگانەیان 300 هەزار دینارە، ئەو بڕەشیان دوادەخەن و بە تەواوی پێنادرێت.
ژینگەپارێزێكی دیكە باسی لەوەكرد، خاوەن دوكان بێزاربووە هێندە چووەتە لای و بە قەرز شتی لێوەرگرتووە.
