کارەساتی چوار گۆڵەکەی یاریگای “ئیتیحاد”، بەرپرسانی یانەی ڕیاڵ مەدریدی گەیاندووەتە ئەو بڕوایەی پێکهاتەکەیان پێویستی بە نوێبوونەوەیە.
بەپێی زانیارییەکانی فێرناندۆ تاڤێرۆی ڕۆژنامەنووس لە ڕۆژنامەی “ئەی ئێس”، شکستە مێژووییەکەی ڕیاڵ مەدرید بەرامبەر مان سیتی وەک تەزوویەکی بەهێز فلۆرنتینۆ پێرێز و هاوکارەکانی ڕاتەکاندووە، لە ئێستاشدا بیر لەوە دەکەنەوە گۆڕانکاری جەوهەریی لە پێکهاتەی یانەکەدا بکەن.
🚨💣 Real Madrid are looking at the transfer market this summer to make sure what happened last night doesn't happen again. @MarioCortegana #rmalive pic.twitter.com/MU4x9ZMEKd
— Madrid Zone (@theMadridZone) May 18, 2023
یەکێک لە جموجۆڵەکان ئەمڕۆ پێنجشەممە ڕوویداوە، زینەدین زێدان لە نووسینگەکانی سانتیاگۆ بێرنابیۆ ئامادەبووە و هیچ سەرچاوەیەک نازانێت بۆ چ مەبەستێک بووە.
بڕیاردراوە هەوڵەکان بۆ کڕینی جود بێلینگهام، هەروەها هێرشبەرێکی ژمارە (9) وەک جێگرەوەی بنزیمە و دوو باڵی بەرگریی ڕاست و چەپ چڕبکرێتەوە.
ئەو ناوانەش کە خراونەتە سەر مێزی گفتوگۆکردن، بریتیبوون لە: هاری کەین، گۆنسالۆ ڕامۆس، دوشان ڤلاهۆڤیچ، کیلیان مباپێ، ڕیس جەیمس، ئەلفۆنسۆ دەیڤیز، فران گارسیا.
