گواردیۆلا هەڕەشەی دەستلەکارکێشانەوە دەکات: درۆم لەگەڵدا مەکەن

پێپ گواردیۆلا بانگەشەی ئەوە دەکات، کە پێشتر بە کاربەدەستانی یانەی مانچستەر سیتی وتووە، ئەگەر سەبارەت بە پێشێلکردنی یاسا داراییەکان درۆی لەگەڵ بکەن، ڕاستەوخۆ دەستلەکاردەکێشێتەوە.

دوای لێکۆڵینەوەیەکی چوار ساڵی، لە ئێستادا پاڵەوانی پریمەرلیگ ڕووبەڕووی زیاتر لە (100) تۆمەتی سەرپێچیکردن لە یاسا داراییەکان بووەتەوە.

لە ئەگەری سەلماندنی بەڵگەکاندا، دەکرێت “سیتیزنس” بە چەندین شێوە سزابدرێت، سزاکانیش بریتین لە، لێبڕینی خاڵ، یان دەرکردن لە پریمەرلیگ.

💔 Manchester City s’attend à ce que Pep Guardiola quitte le club, suite aux possibles sanctions. ⚖️
👉 Il avait dit l’année dernière : "Si Man City me ment, je quitterai le club." pic.twitter.com/Y4hDwv57gp

— La Pause Foot (@LaPauseFootball) February 7, 2023

گواردیۆلا لەو بارەیەوە بە میدیاکانی ڕاگەیاندووە، “پێشتر بە ئیدارەم وتبوو لەبارەی کاروبارەکانی یانەوە ئاگادارم بکەنەوە، لە یەکەم ڕۆژەوە سەد لە سەد باوەڕم پێکردوون و بەرگریم لێکردوون، پێشموتوون، ئەگەر درۆم لەگەڵدا بکەن، بۆ ڕۆژی دواتر دەستلەکاردەکێشمەوە، چونکە من پێمخۆشە نوێنەرایەتی یانەیەک بکەم، کارەکانی بە باشی ئەنجام بدات، ئەم بابەتانە پەیوەندیدار نییە بە بردنەوەی چامپیۆنزلیگ یان پریمەرلیگ، پەیوەندی بە ڕاستگۆییمانەوە هەیە لەگەڵ هاندەرانمان.”