بانكی ناوەندیی عێراق رایدەگەیەنێت، ئامانجی سەرەكییان كۆنترۆڵكردنی بەهای دۆلار و دابەزاندنی نرخەكەیەتی بەرامبەر بە دینار.
بەپێی راگەیەندراوێكی بانكی ناوەندیی عێراق كە تێیدا هاتووە، یەك دۆلار بە 1320 دینار دەخرێتە بازاڕەوە و كاری لەپێشینەی ئێستای بانكی ناوەندیی عێراق ئیدارەدانی سیاسەتی كاشە و دەیەوێت كۆنتڕۆڵی بكات لەپێناو كەمكردنەوەی هەڵاوسان و راگرتنی ئابوریی وڵات لەڕێگای پەنجەرەی فرۆشتنی دراوی بیانییەوە.
ئاماژە بۆ ئەوەش كراوە، جیاوازیی نرخی دۆلار لە نێوان بانكی ناوەندی و بازاڕەكان پابەندە بە چەند هۆكارێكەوە و لەوانەش دامەزراندنی سەكۆی ئەلیكترۆنییە لە نێوان بانكی ناوەندی و بانكە بازرگانییەكان بۆ كۆنتڕۆكردنی داواكاریی حەواڵەی دەرەكی كە ئەوەش وادەكات بەهای دۆلار بەرامبەر دینار دادەبەزێت.
