موقتەدا سەدر تۆمارێكی دەنگیی بڵاوكردەوە و خۆی لە گرووپێك بێبەری كرد، سەردانی گڵكۆی باوكیشی قەدەغەكرد.
لە تۆمارێكی دەنگیدا كە ئەمشەو بڵاویكردەوە، موقتەدا سەدر رێبەری رەوتی سەدر هێرشدەكاتەسەر بەشێك لە گرووپە چەكدارەكان و بە لادەر ناودێریان دەكات.
لە پەیامێكدا كە بە تۆماری دەنگی بڵاویكردەوە، رێبەری رەوتی سەدر رایگەیاندووە، “من پێشەوا مەهدی نیم و خۆم و دڵسۆزان بێبەری دەكەم لە كاری لادەرانە و ئەوانەی بانگەشەی نزیكییان لە منەوە دەكەن”.
لە بەشێكی دیكەی پەیامەكەیدا، موقتەدا سەدر رێوڕەسمەكانی یادكردنەوەی شەهیدكردنی باوكی و سەردانیكردنی گڵكۆكەی هەڵوەشاندەوە و ئاماژە بە داخستنی دەرگای گڵكۆكەی باوكی بۆ ماوەی پێنج رۆژ دەكات.
