ئیدارەی یانەی بایەر لیڤەرکوزنی ئەڵمانی، ئامادە نییە لەژێر هیچ بارودۆخێکدا دەستبەرداری ڕاهێنەرە ئیسپانییەکەی ببێت.
لەو بارەیەوە فێرناندۆ کارۆ، بەڕێوەبەری جێبەجێکاری بایەرلیڤەرکوزن ڕایگەیاندووە، کە چابی ئەلۆنسۆ لە پۆستەکەی بەردەوام دەبێت و پلانی نوێیان هەیە لە وەرزی داهاتوو جێبەجێی دەکەن.
کارۆ بە ڕۆژنامەی “ئەی ئێس”ی ئیسپانی وتووە، “گرێبەستی ئەلۆنسۆ لەگەڵ ئێمە تاوەکو هاوینی 2024 درێژەی دەبێت، خۆشحاڵین بە کارکردن لەگەڵیدا و دڵنیام وەرزی داهاتووش لێرە دەبێت، هیوادارین زیاتر و زیاتری پێبکرێت، لە بواری تۆپی پێدا ناتوانین لەوە زیاتر چاوەڕوانبکەین.”
لە ماوەی ڕابردوودا دەنگۆی ئەوە بڵاوکرایەوە، کە ئەلۆنسۆ لەگەڵ یانەی ڕیاڵ مەدرید ڕێککەوتنی کردووە و ئەگەرێکی بەهێز لە ئارادایە هاوینی 2023 پەیوەندی بە یانە زەبەلاحەکەی ئیسپانیاوە بکات.
