یانەی بەرشلۆنە بەفەرمی درێسی ژمارە (10)ی بەخشییە ئانسو فاتی، سەرەڕای ئەوەی زۆرینەی یاریزانە ئەزمووندارەکان ئەو ژمارەیەیان ڕەتکردەوە.
یانەی بەرشلۆنە لەتۆڕە کۆمەڵایەتییەکان ئاشکرایکرد، بۆ وەرزی (2021-2022) ئانسو فاتی درێسی ژمارە (10) دەپۆشێت، ئەو ژمارەیەی لە 2008-2009وە تایبەتبوو بە لیۆ مێسی، پێشتریش ئەستێرەکانی وەک ڕۆناڵدینیۆ، ڕیڤاڵدۆ، ڕۆماریۆ، جۆرج هاجی، جیۆڤانی و لیتمانین و ڕیکێلمی هەمان ژمارەیان پۆشیوە.
فاتی لە سەرەتاوە بە درێسی ژمارە 31ی بەرشلۆنەوە دەرکەوت، پاشان ژمارەکەی گۆڕی بۆ 22 و لەم وەرزەشدا یەکێک لە مێژووییترین ژمارەکان هەڵدەگرێت.
Un 🔟 hecho en La Masia
⭐️ @ANSUFATI ⭐️ pic.twitter.com/UTwlSfjRds— FC Barcelona (@FCBarcelona_es) September 1, 2021
پێشتر سێرجیۆ ئەگوێرۆ، گریزمان، برەیزوایت و عوسمان دێمبیلی و چەندین ئەستێرەی ئەزموونداری دیکەی یانە کەتەلۆنییەکە، ڕەتیانکردەوە ژمارە ئەفسانەییەکەی لیۆ مێسی بپۆشن، چونکە بابەتەکە هەڵگرتنی بەرپرسیارێتییە و فشارێکی توند دەخاتە سەر هەڵگرەکەی و لەلایەن میدیاکانەوە بە جێنشین وەسفدەکرێت، جێنشینیش دەبێت بەردەوام لە ئاستێکی باڵادابێت.
