ئەمشەو چوارشەممە، یاریی چوونی قۆناغی نیوەی کۆتایی خولی یانە پاڵەوانەکانی ئەوروپا لە نێوان ئەی سی میلان و ئینتەر میلان ئەنجامدرا، یارییەکە بە بردنەوەی ئینتەر میلان کۆتاییهات.
لە یارییەکی بەهێزدا، یانەی ئەی سی میلانی ئیتاڵی لە یاریگای “سان سیرۆ” میوانداریی ئینتەر میلانی هاوسێی کرد، یارییەکە بە ئەنجامی (2-0) لە بەرژەوەندیی ئەستێرەکانی سیمۆنی ئینزاگی کۆتاییهات.
گۆڵەکانی “نێراتزۆری” لە خولەکەکانی هەشت و 11 لەلایەن ئێدین جیکۆ و هێنریک میخیتاریانەوە تۆمارکران.
بەپێی ئەنجامە تۆمارکراوەکە، ئینتەر میلان بەرەو یاریی کۆتایی خولی یانە پاڵەوانەکانی ئەوروپا بازێکی فراوانیدا، لە بەرامبەردا میلان ناچارە لە یاریی گەڕانەوەدا لە هەمان یاریگا بردنەوە تۆماربکات.
