هەڤاڵ ئەبوبەكر پارێزگاری سلێمانی رایدەگەیەنێت، پێشنیازمان كردووە یەك سەبەتەی دارایی لە هەرێمی كوردستان هەبێت و دەشڵێت، حكومەتی عێراق بەڵێنیداوە تا پەسەندكردنی یاسای بودجە ناردنی پارە بۆ هەرێم بەردەوامدەبێت.
راشیگەیاند، لە كۆبوونەوەی 17ی ئایاری ساڵی رابردووشدا بە ئامادەبوونی سەرۆك و جێگری سەرۆكی حكومەت و وەزیری دارایی داوامانكرد یەك سەبەتەی دارایی لە هەرێمی كوردستان هەبێت و سەرجەم داهاتەكان بخرێنە خەزێنەی وەزارەتی دارایی و بە یەكسانی و بەپێی پێویستی و پڕۆژەكان بەسەر هاوڵاتییاندا دابەشبكرێت.
ئاماژەی بۆ ئەوەش كرد، حكومەتی عێراق بەڵێنیداوە تا پەسەندكردنی بودجە پارە بۆ هەرێمی كوردستان دەنێرێت.
