لەلایەن هێزەكانی هەواڵگرییەوە ژن و پیاوێك لە پارێزگای ئەنبار دەستگیركران كاتێك دەیانویست دوو منداڵیان بە هەزاران دۆلار بفرۆشن.
ئاژانسی هەواڵگری و لێكۆڵینەوەی فیدراڵی سەر بە وەزارەتی ناوخۆ رایگەیاند، ئاژانسەكەیان زانیاری پێگەیشت لەبارەی تۆمەتبارێك كە دەیەوێت كوڕ و كچە منداڵەكانی لە بەرامبەر 150 هەزار دۆلار بفرۆشێت.
تیمێكی تایبەت پێكهێنرا و تۆمەتبار لە پارێزگای دیالەوە بۆ پارێزگای ئەنبار گوازرایەوە و لەكاتی هەوڵی ئەنجامدانی تاوانەكەدا لەگەڵ هاوسەرەكەیدا دەستگیركرا، وەك ئەوەی ئاژانسی هەواڵگریی عێراق ئاماژەی پێداوە و دەشڵێت، دوو منداڵەكە رزگاركران و لە حەزی باوانیان بۆ بەدەستهێنانی دەستكەوتی ماددی رزگاركران.
ئاشكراشیكرد، هەردوو تۆمەتبار بە تۆمەتی بازرگانیكردن بە مرۆڤ و بە بڕیاری دادوەر راگیراون.
