بە ئامادەبوونی سەرۆکوەزیرانی عێراق ناوەندێکی گەورەی بەرهەمهێنانی گازی سروشتی، لە شاری بەسرە کرایەوە.
بەگوێرەی راگەیەندراوێکی نوسینگەی ڕاگەیاندنی سەرۆکایەتیی وەزیرانی عێراق، بەیانی ئەمڕۆ مستەفا کازمی سەردانی شاری بەسرەی کردووە و ناوەندێكی گەورەی بەرهەمهێنانی گازی سروشتی کردووەتەوە.
وا بڕیارە ناوەندەکە لە ساڵی داهاتووەوە بکەوێتە کار.
کازمی لەمیانی سەردانەکەیدا بۆ بەسرە، هەروەها سەردانی بەندەری “ئوم قەسر”ی کردووە و بەرپرسانی گومرکی بەندەرەکەی بەسەرکردەوە.
لەئێستادا عێراق بەشی هەرەزۆری پێداویستیی خۆی لە گازی سروشتی لە ئێران-ەوە هاوردە دەکات.
