لە “رۆژی جیهانیی ئازادیی رۆژنامەگەری”ـدا، محەمەد شیاع سودانی سەرۆك وەزیرانی عێراق، پەیامێكی بڵاوكردەوە و بە زمانی كوردی بەڵێنێكی بە رۆژنامەنووسان دا.
لە پەیامەكەیدا محەمەد شیاع سودانی سەرۆك وەزیرانی عێراق رایگەیاند، “لە رۆژی جیهانیی ئازادیی رۆژنامەگەریدا، سڵاو لە هەموو رۆژنامەنووسان و میدیاکاران، ئەوانەی خزمەتی راستی دەکەن”.
لە پەیامەكەیدا كە بە هەردوو زمانی كوردی و عەرەبی لە تویتەر بڵاویكردووەتەوە، سودانی بەڵێنی پاراستنی ئازادیی رۆژنامەگەریی بە میدیاكاران و رۆژنامەنووسان داوە و نووسیویەتی، “بەپێی بنەماکانی یاسا و دەستوور، پابەندبوونمان بە پاراستنی ئازادیی رۆژنامەگەری دووپاتدەکەینەوە، چونکە کۆڵەکەی دیموكراسیی پتەو و دیوارە بەهێزەكەیەتی”.
لە كۆتایی پەیامەكەیدا سەرۆك وەزیرانی عێراق دەڵێت، “بەم بۆنەیەوە، جارێكی تر جەختدەكەینەوە كە رۆژنامەگەریی پیشەییانە، باشترین هاوبەشمانە لە راپەڕاندنی ئەركە نیشتمانییەكانماندا بە مەبەستی خزمەتكردنی گەلی شۆدارمان”.
