بەهۆی تۆزی زەوییە تازە كێڵدراوەكانەوە، زنجیرە رووداوێكی سەختی هاتوچۆ لە ویلایەتێكی ئەمریكا روویدا و شەش مردن و دەیان برینداربوونی لێكەوتەوە.
زنجیرە رووداوەكە لەسەر شەقامی “ئای 55” لە باشووری سپرینگفیڵدی ناوەڕاستی ویلایەتی ئێلینۆی لە نێوان دەیان ئۆتۆمبێلدا روویداوە كە بەشێكیان بارهەڵگرن.
میدیای ئەمریكی لەبارەی هۆكاری زنجیرە رووداوەكەوە دەڵێت، “رەشەبایەك هەڵیكردووە و خۆڵ و تۆزی لە زەوییە كشتوكاڵییە تازە كێڵدراوەكانی ناوچەكەوە بەرزكردووەتەوە و بەوەش مەودای بینین زۆر كەمبووەتەوە و سەرئەنجام پێكدادانی ئۆتۆمبێل و بارهەڵگرەكانی لێكەوتووەتەوە”.
ئەفسەرێكی پۆلیس لە شوێنی زنجیرە رووداوەكەوە بە میدیای راگەیاندووە، “پێكدادانەكان لە نێوان نزیكەی 60 ئۆتۆمبێل و بارهەڵگردا روویانداوە، بەهۆیانەوە شەش كەس گیانیان لەدەستداوە و 30 كەسی تریش برینداربوون”.
Massive pileup on I-55 south of Springfield, Illinois has closed the interstate for nearly 30 miles. Blowing dust off freshly plowed fields led to very low visibility#ilwx
🎥: Nathan Cormier pic.twitter.com/im7QLE8BTp— Nick Hausen (@NickHausenWx) May 1, 2023
