سەرۆكی یەكێتی هاوخەمی بۆ كۆچی دوایی هونەرمەند هادی مەحمود دەردەبڕێت و رایدەگەیەنێت، كەسایەتییەكی خۆشەویستی ناو خەڵكی كوردستان و شاری سلێمانی بوو.
بافڵ جەلال تاڵەبانی، سەرۆکی یەکێتیی نیشتمانیی کوردستان پەیامێكی هاوخەمی بڵاوكردەوە كە ئەمە دەقەكەیەتی:
کۆچی دوایی هونەرمەندی ناسراوی كورد (هادی مەحمود) لە دڵەوە نیگەرانی كردین.
هادی مەحمود جگەلەوەی رووخسارێكی دیاری هونەر و درامای كوردی بوو، هاوكات كەسایەتییەكی خۆشەویستی ناو خەڵكی كوردستان و شاری سلێمانی بوو.
بۆ ئەم خەمە گەورەیە پرسە و هاوخەمی قووڵی خۆمان ئاڕاستەی خێزانەكەی، هاوڕێیان و هونەرمەندانی كوردستان دەكەین و لەخوای گەورە داواكارین ئارامی بەهەموولایەك ببەخشێت.
دڵسۆزتان
بافڵ جەلال تاڵەبانی
سەرۆکی یەکێتیی نیشتمانیی کوردستان
