پێدانی کارەبای نیشتمانی بە هاوڵاتییانی قەزای دەربەندیخان دوو كاتژمێری رۆژانە زیادكرا.
ئەمڕۆ سێشەممە قائیمقامیەتی قەزای دەربەندیخان رایگەیاند، لە دوای هەوڵی بەردەوامیان بە هاوبەشی لەگەڵ بەڕێوەبەری دابەشکردنی کارەبای دەربەندیخان و بە لەبەرچاوگرتنی دۆخی مانگرتووان، بڕیاردرا بە زیادکردنی دوو کاتژمێر کارەبای نیشتمانی بۆ قەزای دەربەندیخان.
راگەیەندراوی قەزای دەربەندیخان دەڵێت، “بە پشتیوانیی هەمووان هەوڵدان و کارکردن بەردەوامدەبێت بۆ زیاترکردنی کاتژمێرەکانی پێدانی کارەبای نیشتمانی بە قەزای دەربەندیخان”.
