جێنین پلاسخارت نێردەی نەتەوە یەكگرتووەكان لە عێراق رایدەگەیەنێت، دۆخی ئازادیی رادەربڕین لە عێراق و هەرێمی كوردستان جێگەی نیگەرانییە و وتیشی، “كۆمەڵگە دیموكراسییە بەردەوام و سەقامگیرەكان بەیەك شەو دروستنابن و پێویستیان بە سازشكردن و یەكتر قبووڵكردنە”.
پلاسخارت راشیگەیاند، “ئێمە دەبینین بەكارهێنانی ئامرازی جۆراو جۆری یاسایی، كارگێری و ئامرازی دیكەی بە رواڵەت یاسایی بۆ دامركاندنەوەی ناڕەزایەتییەكان زیاتربوون .
وتيشی، “پێویستە حكومەت بەرپرسیارانە مامەڵە بكات و بێدەنگكردن و رێگریكردن و رەتكردنەوە دەبنە هۆكاری لە كەداركردنی وێنەی دەوڵەت و شێواندنی متمانەی گشتی”.
