وەزارەتی نەوتی عێراق رایدەگەیەنێت، داهاتی مانگی ئازاری رابردوو گەیشتووەتە زیاتر لە حەوت ملیار دۆلار.
وەزارەتەكە لە راگەیەندراوێكدا دەڵێت، كۆی هەناردەی نەوتی خاو لە مانگی ئازاردا 100 ملیۆن و 913 هەزار و 27 بەرمیل بووە بە داهاتی حەوت ملیار و 506 ملیۆن و 401 هەزار دۆلار.
كۆی هەناردەی نەوت لەو مانگەدا لە كێڵگەكانی نەوتی ناوەڕاست و باشوور گەیشتووەتە 98 ملیۆن و 875 هەزار و 692 بەرمیل، هەناردەش لە كەركوكەوە بۆ بەندەری جەیهان یەك ملیۆن و 727 هەزار و 494 بەرمیل بووە، بە نرخی تێكڕای 74.385 دۆلار بۆ هەر بەرمیلێك، وەك ئەوەی وەزارەتی نەوت ئاشكرایكردووە.
