بەڕێوەبەرایەتیی گشتیی كەشناسی و بومەلەرزەزانیی سلێمانی، بڕی بارانبارینی لە ماوەی 24 كاتژمێردا ئاشكراكرد و زۆرترین باران لە تەوێڵە باریوە.
بەپێی راگەیەندراوی بەڕێوەبەرایەتیی گشتیی كەشناسی و بومەلەرزەزانیی سلێمانی، لە كاتژمێر نۆی بەیانیی دوێنێ دووشەممەوە تا كاتژمێر نۆی بەیانیی ئەمڕۆ سێشەممە، زۆرترین بڕی باران لە تەوێڵەی ناو چەی هەورامان باریوە كە 26.4 ملیمەتر بووە.
بە دوای تەوێڵەدا، بەرزنجە بە پلەی دووەم دێت و لە ماوەی 24 كاتژمێردا 26.3 ملیمەتر بارانی لێباریوە و كەمترین بڕی بارانیش لە قەزای كەلاری مەڵبەندی ئیدارەی سەربەخۆی گەرمیان باریوە، كە لە ماوەی 24 كاتژمێردا 3.2 ملیمەتر باران بووە.
