ئێریک چوپۆ مۆتینگ، هێرشبەری یانەی بایرن میونشن لە پێکهاتەی یانەکەی بۆ ڕووبەڕووبوونەوەی ماینز دوورخرایەوە.
ئەمڕۆ لە چێوەی یارییەکانی هەفتەی (29)ی خولی ئەڵمانیا، بایرن میونشن بەرامبەر ماینز یاریدەکات، لە لیستی یاریزانانی یانە باڤارییەکەدا ناوی ئێریک چوپۆ مۆتینگی هێرشبەری کامیرۆینی نەهاتووە.
بەپێی ڕاگەیاندراوێک کە لەلایەن بایرنەوە بڵاوکراوەتەوە، هێرشبەرەکە جارێکی دیکە دووچاری پێکان و ئازاری ئەژنۆ بووە، بەوهۆیەوە بۆ ماوەیەکی نادیار پشووی پێدراوە.
مۆتینگ لەم وەرزەدا سێ یاریی بایرنی لە خولە جیاوازەکان بەهۆی پێکانی ئەژنۆیەوە لەدەستدا، وا دیارە جارێکی دیکە لە هەمان پێگەدا دووچاری پێکان بووەتەوە.
