شۆفێرێك لە هەولێر چەندین سەرپێچیی ئەنجامداوە و وتەبێژی هاتوچۆی پارێزگاكەش بە توانجەوە باسی حاڵەتەكە دەكات.
فازڵ حاجی وتەبێژی بەڕێوەبەرایەتیی گشتیی هاتوچۆی هەولێر، ئێوارەی ئەمڕۆ هەینی وێنەی ئۆتۆمبێلێكی جامڕەشی بڵاوكردەوە و نووسیویەتی، “جەژن بە مانای لێخوڕین بەبێ مۆڵەت و جامڕەشکردن و لێکردنەوەی تابلۆ نییە، سەرەڕای ئەوەش سەرەڕۆیی بکەیت”.
لە درێژەی وتەكانیدا لەو بارەیەوە فازڵ حاجی دەڵێت، “جەژن دروستکردنی کەشێکی ئارام و لێخوڕینێکی سەلامەتە”.
وتەبێژی بەڕێوەبەرایەتیی گشتیی هاتوچۆی هەولێر راشیگەیاندووە، “ئەمڕۆ ئەو ئۆتۆمبێلە کە کۆمەڵێک سەرپێچیی بە یەکەوە کردبوو، لەلایەن مەفرەزەکانی هاتوچۆی هەولێرەوە دەستی بەسەرداگیرا”.
