بەیانیی ئەمڕۆ ئەندامانی خێزانەکەی سەعد کەمبەش سەرۆکی پێشووی دیوانی وەقفی سوننەی عێراق لە شاری کەرکوک دەستگیرکران، ئەمە دوای ئەوەی شەوی رابردوو کەمبەش لە زیندانی کەرادەمریەم هەڵات.
سەعد کەمبەش سەرۆکی پێشووی دیوانی وەقفی سوننەی عێراق رۆژی 11ی ئەم مانگە بەتاوانی گەندەڵی و بەهەدەردانی 49 ملیار دینار بە چوار ساڵ زیندانی سزادرا دەستگیرکرابوو سزای چوار ساڵ زیندانیکردنی بەسەردا سەپێنرابوو، بەڵام شەوی رابردوو لە زیندان هەڵاتووە.
سەرچاوەیەک لە بەڕێوەبەرایەتیی پۆلیسی کەرکوک بە تۆڕی میدیایی ئێستای وت “ئەندامانی خێزانەکەی سەعد کەمبەش سەرۆکی پێشووی دیوانی وەقفی سوننەی عێراق لەبازگەیەکی کەرکوک دەستگیرکران کە بەنیازبون بەرەو شاری هەولێر هەڵبێن”.
سەرچاوەکە وتیشی “خانەوادەکەی بریتیبوون لە هاوسەرو براکەی و سێ منداڵی کەمبەش”.
