جێگری پارێزگاری بانکی ناوەندیی رایگەیاند، یەدەگی زێڕی عێراقیان بەرزکردووەتەوە بە شێوەیەک گەیشتووەتە پلەی چوارەمی وڵاتە عەرەبییەکان.
عەممار خەڵەف جێگری پارێزگاری بانکی ناوەندیی عێراق رایگەیاند، “یەدەگی زێڕمان لە 90 تۆنەوە بۆ 170 تۆن بەرزکردووەتەوە، بەمەش عێراق پلەی چوارەمی وڵاتە عەرەبییەکان و 29 ی جیهانی گرتووە”.
سەبارەت بە لابردنی سفرەکانی سەر دراوی عێراقی ناوبراو ئاشکرایکرد، “بۆ رێگەگرتن لە ناجێگیری دۆخی دارایی، لە ئێستادا نیازی لابردنی سفرەکانی سەر دراوی عێراقییمان نییە”.
