لە قۆناغە یەکلاکەرەوەکانی خولی یانە پیشەگەرەکانی ئەمریکا (NBA)، تیمی لۆس ئەنجلس کلیپەرز سەرکەوتنێکی گەورەی بەرامبەر فینێکس سەنز تۆمارکرد.
بەرەبەیانی ئەمڕۆ دووشەممە، ڕووبەڕووبوونەوەی نێوان تیمەکانی کلیپەرز و فینێکس ئەنجامدرا، کلیپەرز بە ئەنجامی (115-110) بردنەوەی تۆمارکرد.
کاوی لیۆنارد، ئەستێرەی کلیپەرز باشترین ئاستی پێشکەشکرد، (38) خاڵی بۆ تیمەکەی مسۆگەرکرد، لە نێوانیاندا دوو هەڵدانی سیانی.
ئەمڕۆ بەگشتی، چوار یاریی دیکەی قۆناغی “پلەی ئۆف”ی خولی یانە پیشەگەرەکانی ئەمریکا ئەنجامدران، لە گرنگترینیاندا ساکرامینتۆ کینگز بەسەر گۆڵدن ستەیت واریەرزدا سەرکەوت و میلواکی باکس بە مەیامی هیت دۆڕا.
ئەنجامەکان بەم جۆرە بوون:
مێمفیس گریزلیس 112-128 لۆس ئەنجلس لەیکەرز
میڵواکی باکس 117-130 مەیامی هیت
فینێکس سەنز 110-115 لۆس ئەنجلس کلیپەرز
دێنڤەر ناگێتس 109-80 مینیسۆتا تێمبەروڵڤز
