گردبوونەوەی کەسوکاری ئەنفالکراوان لە مۆنیومێنتی دێبنە بەردەوامە

ناڕەزایی كەسوكاری ئەنفالكراوان لە گەرمیان بەردەوامە و بەشێكیان لەسەر مەزاری قوربانییەكانیان بەربانگیان كردەوە.

ئەمڕۆ هەینی لە ساڵیادی كارەساتی ئەنفال-ـدا، کەسوکاری ئەنفالکراوان و چالاکوانان لە دەروازەی مۆنیومێنتی ئەنفالکراوان لە ناحیەی رزگاری لە گەرمیان گردبوونەوە و رێگەیان نەدا بەرپرسانی حکومی سەردانی مۆنیومێنتەكە بكەن.

کەسوکاری ئەنفالکراوان ناڕەزاییان دەربڕی بەرامبەر بە جێبەجێنەكردنی داواكارییەكانیان و هەوڵنەدان بۆ باشكردنی ژیانیان و گەڕاندنەوەی روفاتی كەسوكاریان.

وێنەكە دیمەنی بەربانگكردنەوەی ئەم ئێوارەیەی بەشێك لە کەسوکاری ئەنفالکراوان و چالاکوانانە، كە تا ئێوارە لە مۆنیومێنتی دێبنە لە ناحیەی رزگاری ماونەتەوە.